Dr SOUMYA SARIN

ഡോ. സൗമ്യ സരിൻ
പാലക്കാട് ജില്ലയിലെ മണ്ണാർക്കാട് ജനനം. അച്ഛൻ: നെച്ചുള്ളി രാധാകൃഷ്ണൻ. അമ്മ: എസ്.കെ ശാരദമണി. സാമൂഹ്യ സാംസ്‌കാരിക ആരോഗ്യരംഗത്ത് സജീവ സാന്നിധ്യം. ഹെൽത്ത് ആക്ടിവിസ്റ്റ്, സോഷ്യൽ മീഡിയ ഇൻഫ്ലുവെൻസർ, ഡോക്ടർ എന്നീ നിലകളിൽ അറിയപ്പെ​ടുന്നു. പരിയാരം ഗവൺമെന്റ് മെഡിക്കൽ കോളേജിൽനിന്ന് എം.ബി.ബി.എസ്. പഠനം പൂർത്തിയാക്കി. കോഴിക്കോട് മെഡിക്കൽ കോളേജിൽ നിന്ന് ശിശുരോഗവിഭാഗത്തിൽ ഉപരിപഠനം. ബാംഗ്ലൂർ ബാപ്റ്റിസ്റ്റ് ആശുപത്രി​യിൽനിന്ന് ശിശുരോഗവിഭാഗത്തിൽ ഡി.എൻ.ബി. 2015-ൽ ശിശുരോഗ​വിഭാഗ​ത്തിൽ നടന്ന അഖിലേന്ത്യാ ഡി.എൻ.ബി. പരീക്ഷയിൽ രാഷ്ട്രപതി​യുടെ ഗോൾഡ് മെഡലോടുകൂടി നാഷണൽ ടോപ്പർ ആയി വിജയിച്ചു. ഇന്ത്യൻ അക്കാദമി ഓഫ് പീഡിയാട്രിക്സിന്റെ നവജാതശിശുവിഭാഗത്തിൽ ഫെല്ലോഷിപ്പ് കരസ്ഥമാക്കി. 2019-ൽ ഇന്ത്യൻ മെഡിക്കൽ അസോസിയേഷന്റെ ആരോഗ്യരംഗത്തെ ഏറ്റവും മികച്ച സോഷ്യൽ മീഡിയ പെർഫോർമർ അവാർഡ് നേടിയിട്ടുണ്ട്. ഒറ്റപ്പാലം പി.കെ. ദാസ് മെഡി​ക്കൽ കോളേജ്, പാലക്കാട് നെമ്മാറ അവൈറ്റിസ് സൂപ്പർസ്പെഷ്യാലിറ്റി ആശുപത്രി തുടങ്ങിയ ഇടങ്ങളിൽ സേവനമനുഷ്ഠിച്ചിട്ടുണ്ട്. ഏഴു​ലക്ഷത്തോളം ആളുകൾ പിന്തുടരുന്ന Dr. Soumya Sarin  എന്ന ഫേസ്ബുക്ക് പേജിൽ ആരോഗ്യരംഗത്തെക്കുറിച്ച് പൊതുജനങ്ങൾക്ക് അവബോധം നൽകുന്നു. മലയാളത്തിലെ പ്രമുഖ ചാനലുകളിൽ ആരോഗ്യസംബന്ധമായ ചർച്ചകളിൽ പാനലിസ്റ്റ് അംഗവും കൂടാതെ പ്രമുഖ പത്രങ്ങളിലും മാസികകളിലും സ്ഥിരം കോളമിസ്റ്റുമാണ്.  നിലവിൽ ഷാർജയിൽ പ്രവർ​ത്തിക്കുന്ന മെഡ് കെയർ മൾട്ടിസ്പെഷ്യാലിറ്റി ആശുപത്രി​യിൽ ശിശുരോഗവിഭാഗം സ്പെഷ്യലിസ്റ്റ് ഡോക്ടർ.